Poemar o mar

Era un meniño algo raro

porque falaba co mar

dende un barco de papel

no que andaba a navegar

Palabras azul celeste.

Palabras verde esmeralda.

Palabras de maruxía.

Palabras de area branca.

Din que o neno era algo raro

porque falaba co mar,

pero o barco  que o levaba

ninguén o viu naufragar.

                       Antonio García Teijeiro

                       Poemar o mar

                                                                                                           Ilustración:Xan López Domínguez